Münaqişələrin idarə olunması

Münaqişələrin idarə olunması münaqişənin mənfi təsirlərini azaltmaqla mübahisə vasitəsilə əldə edilə biləcək müsbət cəhətlərin tarazlığının yaradılması prosesidir. Aydın, dəqiq şəkildə çatdırılmış və qəbul edilmiş davranış qaydaları, şübhəsiz, münaqişə ehtimallarını azaldır. Bu, əməkdaşlar üçün, xüsusilə, komanda üzvləri təzyiq altında, yorğun və ya gərgin olan zaman fəaliyyət göstərməyə əsas verir.

Məhsulda komandaların müxtəlif çalışma tərzlərinə malik fərdlərdən ibarət olmasına dair mübahisələr mövcuddur. Bu, təbii olaraq, müxtəlif yanaşma tərzləri və münaqişəyə meyllilik yaradacaqdır. Qarşılıqlı şəkildə qəbul edilmiş təməl qaydalar əsasında məharətlə idarə olunduqda bu, idrak qabiliyyəti, innovasiya, prosedurlarının dəyişməsi və ideyaların həyata keçirilməsi kimi müsbət nəticələrə gətirib çıxara bilər.

Digər tərəfdən, bu, qarşılıqlı şəkildə qəbul edilmiş mədəni qaydalar kitabının olmadığı qaydasız mühitdir. Bu, insanların alçaldılmasına, onların fikirlərinə məhəl qoyulmamasına və ya fərdi təhdid dili ilə incidilməsinə şərait yaradır. Səciyyəvi olaraq, alt qruplar formalaşacaq və müharibəyə bənzər şərait yaranacaqdır. Zamanla bu, münaqişə və günahlandırılmaq qorxusu ilə ünsiyyətin yox olmasına və hərəkətsizliyə gətirib çıxaracaqdır.

Xüsusi praktik öyrənmə mövzulu timbildinq oyunları qeyri-sağlam münaqişə mühitini simulyasiya edir. Oyun elementlərinin daxil edilməsi davranış və münaqişələrin idarə olunması qaydalarının təhlil olunması üçün təhlükəsiz mühit yaradır. Yaxşı dizayn olunmuş və təqdim edilmiş oyunlar innovasiya mədəniyyətini formalaşdırmaq üçün çərçivə kimi qəbul edilməli olan, mübahisənin dəyərini anlamağa kömək edir. Bundan əlavə, bu cür proqramın həyata keçirilməsi dərrakəli biznes liderlərinə sağlam olmayan mübahisə və ya mübahisənin olmamasının əsas səbəblərini diqqətlə təhlil etmək və korporativ mədəniyyəti yenidən qiymətləndirmək imkanı verir.